ఐఏఎస్ ఆఫీసర్ కావాలనుకుంటున్నా- ఇంజనీరింగ్ 2వ ర్యాంకర్ ఎం.వి.బి. మనోజ్ కుమార్

ప్ర: ఎంసెట్‌లో టాప్ ర్యాంకర్‌గా నిలిచినందుకు మీరెలా ఫీలవుతున్నారు? చాలా సంతోషంగా ఉంది. మొదటి ర్యాంకు వస్తుంది అనుకున్నాను. సెకెండ్ ర్యాంకు వచ్చింది. ప్ర: మీ కుటుంబ నేపథ్యమేంటి? మాది ఛత్తీస్‌గఢ్‌లోని సర్జాపూర్, అమ్మ, నాన్న మరణించారు. మామయ్య స్కూల్ టీచర్. విశాఖపట్నంలోనే చదువుకుంటున్నాను. ప్ర: ఇంజనీరింగ్ ఏ క ళాశాలలో చేరాలనుకుంటున్నారు? నాకు ఆల్‌ఇండియా ఇంజనీరింగ్ ఎంట్రెన్స్ ఎగ్జామ్(ఏఐఈఈఈ)లో ఆల్‌ఇండియా 544వ ర్యాంకు వచ్చింది. తిరుచ్చి నిట్‌లో మెకానికల్ ఇంజనీరింగ్‌లో సీటు వచ్చింది. అక్కడే జాయిన్ అవుతాను. ప్ర: ఎంసెట్‌తోపాటు ఇతర ప్రవేశ పరీక్షలు రాశారా? ఏఐఈఈఈ రాసాను. ప్ర: మీ అకడమిక్ రికార్డు చెప్పండి? పదోతరగతి నవోదయా స్కూల్లో చదివాను. సీబీఎస్‌ఈ సిలబస్ చదివాను. 9.6 గ్రేడ్ వచ్చింది. ఇంటర్ విశాఖపట్నంలోని నారాయణ కాలేజీలో చదివాను. 976 మార్కులు వచ్చాయి. ప్ర: ఓ వైపు ఇంటర్మీడియెట్ పరీక్షలకు ప్రిపేరవుతూనే ఎంసెట్‌కు ఎలాంటి ప్రిపరేషన్‌ను అనుసరించారు? రెండు కలిసే పేరలాల్‌గా చదివాను. కాలేజీలో సంవత్సరం ప్రారంభంలోనే షెడ్యూల్ ఇస్తారు. దాన్ని కచ్చితంగా అమలు చేయాలి. ఏ రోజు చెప్పింది ఆరోజే చదువుకోవాలి. ప్ర: కాలేజీలో బోధన, కోచింగ్ ఎంతవరకు ఉపకరించింది? కాలేజీలో చెప్పిన అంశాలనే చదివాను. అదే నాకు చాలా ఉపయోగపడింది. కాలేజీలో అధ్యాపకులు వచ్చిన సందేహాలను వెంటనే తీరుస్తారు. ప్ర: మీరు ప్రత్యేకంగా ఏవైనా బుక్స్ ప్రిపేరయ్యారా? నారాయణ కాలేజీ మెటీరియల్ తప్ప ఎలాంటి పుస్తకాలు చదవలేదు. ప్ర: అధ్యాపకులు, కుటుంబ సభ్యుల ప్రోత్సాహం? ఇంట్లో మామయ్య వాళ్లు, కాలేజీలో లెక్చరర్స్ అందరూ బాగా ప్రోత్సహించేవారు. ప్ర: భవిష్యత్తులో ఏం కావాలనుకుంటున్నారు? ఇంజనీరింగ్ చేసిన తర్వాత సివిల్స్ రాసి ఐఏఎస్ ఆఫీసర్ కావాలనుకుంటున్నాను. ప్ర: ఎంసెట్‌కు ప్రిపేరవుతున్న వారికి మీరిచ్చే సలహా? అధ్యాపకులు చెప్పింది వినాలి. అయితే విన్నాం వదిలేసాం అని కాకుండా చెప్పిన దానిపై దష్టి పెట్టాలి. ఏకాగ్రతతో చదవాలి. అప్పుడు కచ్చితంగా విజయం సాధిస్తారు.